Lo Monument de las Alas sus la duna de cap a Mar grana.
Monument a la glòria deu permèr esquipatge francés dab Assollant, Lefèvre, Lotti de l'avion BERNARD 191 Gran Raid F-AJGP, dit « Auchèth Canari », ad avéder hèit la travessada de Mar grana en avion. Los trabucs qu'estoren numerós mes fin finau se pausèren ací lo 16 de junh de 1929.La placa suu costat dret, a la lectura maishanta, que rapèra la celebracion deu quarantenat de la travessada.
Lo monument ne menciona pas Schreiber, passatjant clandestin pujat a bòrd de l'avion e qui tanben hasot la travessada. Pr'aquò lo son nòm qu'es adara suus panèus adicionaus.
La darrèra commemoracion que data de 2019 preus 90 ans de l'esplèit.
